Barneignir á Íslandi

Hagstofa Íslands var að birta skemmtilega úttekt á tíðni nafna og fæðingar­daga Íslendinga. Ég hef endur­gert hér mynd­rit yfir fæðingar­daga eftir mánuði og degi sem ég fann í greininni:

Það er hægt að taka þetta aðeins lengra og teikna meðal­tal afmælis­daga eftir mánuðum og þá kemur í ljós ákveðið munstur:

En það er vel kunnugt hversu langan tíma það tekur að þroska barn í móður­kviði svo það er auðvelt að reikna út hvenær hvenær allir íslendingar voru ca. getnir. Þá fáum við annað, svipað, myndrit...

Fengitími á Íslandi?

Hér getum við þá horft á getnaði á Íslandi eftir mánuði og degi, miðað við 268 daga (eða 38 vikna) meðgöngu...

Og aftur eftir mánuðum:

Lesandi er beðinn um að túlka þessi myndrit með hæfilegum skammti af efa­hyggju. Þótt það geti virst sem svo að "flestir Íslendingar" séu getnir í svartasta vetrar­myrkrinu, þá eru með­göngur ekki allar jafn langar, og margar enda með inn­gripum starfs­fólks fæðingar­deilda (sem kannski skýrir hversu grun­sam­lega fáir fæðast á jóla­dag?).

Þegar mynd­ritin eru ekki gagn­gert að draga fram sveiflurnar þá sést vel að dreifingin er, heilt yfir, mjög jöfn:

Gögnin eru fengin af Hagstofu Íslands, Afmælis­dagar 1. janúar 2019, og miðast þau við skráningar í Þjóð­skrá í byrjun árs 2019. Í mörgum mynd­ritum hefur 29. febrúar hefur verið fjar­lægður úr gögnunum til þess að skekkja ekki meðaltöl.