Borgar.net » media

DV fjallar um tekjur bloggara

Borgar — Fri, 08 Aug 2008 17:19:26 +0000

Skarast hóparnir bloggarar og lesendur DV nægilega mikið til þess að nokkrum sé sama um þetta? Eru bloggarar raunverulega áhugaverður hópur, eða eru leikarar og fréttamenn á hinum miðlinum orðin þreyttar tuggur? Hvað á að sýna fram á með þessu?

Hvað með að birta tekjur einhverra sem raunverulega mundu vera forvitnilegir. Hvað hafa td. miðlar í laun – hversu mikla peninga hafa þeir af þeim fáfróðu og auðtrúa? Hvað hafa lyfjafræðingar í laun – er okrið að skila sér til starfsmanna? Hvað með pólska verkamenn, er verið að svína á þeim? Hvað með stéttirnar sem sífellt eru að berjast; kennarar, flugumferðarstjórar og mjólkurfræðingar – er einhver fótur fyrir þessu?

Ennfremur má benda á að ef DV vildu raunverulega hrista upp í mönnum ættu þeir að birta tekjur bloggara í einhverjum miðli sem bloggarar raunverulega lesa – til dæmis veflægt – en ekki í einhverjum pappírsgerðum leifum af miðaldahefðum. En það sést kannski best á þessu úrtaki, að blaðið er jafn hugmyndaríkt og það er vandað.

Frjálst og óháð

Borgar — Tue, 04 Dec 2007 12:07:48 +0000

Hún er mjög furðuleg þessi hefð í fjölmiðlum á Íslandi að í fréttum eru birtar auglýsingar auglýsendum að kostnaðarlausu. Eina skilyrðið er að það standi “fréttatilkynning” á umslaginu sem auglýsingin kom í.

Mjólkurframleiðendur og heildsalar hafa t.d. árum saman nýtt sér þennan eiginleika – sem virðist hrjá Morgunblaðið hvað verst – og sjást reglulega frá þeim “tilkynningar” á nýjungum.

Að heyra saumnál detta

Borgar — Fri, 07 Sep 2007 00:07:23 +0000

Úr frétt af Vísi:

Amy kom öllum á óvart og tróð upp á hátíðinni sem haldin var á Grosvenor House Hotel í London. Hún söng órafmagnaða útgáfu af lagi sínu Love Is A Losing Game og mátti heyra saumnál detta í salnum á meðan.

Ekki einu sinni magnari?

H er fyrir Hilmar

Borgar — Wed, 15 Mar 2006 23:32:56 +0000

Hvað ætli Geir H. Haarde sé að gera núna? Ég hef ekki heyrt neitt af honum í heilan dag? Ætli það sé allt í lagi? Það hefur vonandi ekkert komið fyrir.

Meira Gong…

Borgar — Tue, 11 Jun 2002 21:47:23 +0000

Var að horfa á fréttirnar, hreint ótrulegar! Stöð 2 sýndi m.a. myndir af öllum landskunnum íslendingum sem stundað hafa ”tai-chi”. Er tilgangur þeirra einhver annar en að bendla þessa saklausu íþróttamenn við [[http://www.fofg.org|Falun Gong]]? Hvernig dirfast þeir að vera svona heimskir?

[[http://www.ruv.is|RÚV]] var með mun betri fréttir, þá sérstaklega var kastljósið spennandi. Viðtal við [[http://www.china-embassy.is/eng/c5533.html|Wang Ronghua]], sendiherra Kína, var vitlaust þýtt og frábærlega mistúlkað af fréttamönnum. Wang karlinn dældi auðvitað bara út offísíal viðhorfum Kína í þessu máli, enda hvað annað á hann að gera? Maðurinn er í vinnunni.

Hæstvirtur dómsmálaráðherra er augljóslega óhæf til að tala í sjónvarpi (hvað þá að vera ráðherra). Lítið annað um hana að segja.

Persónulega hef ég ekki séð neitt sem afsakar meðferð kínverskra yfirvalda á Gongliðum. Þeir kveikja kannski í sér, hengja sig og/eða hætta að fara til læknis, en þá fækkar þeim líka bara? ;-)